İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 526 Hüküm no: 568 Orijinal metin no: [159b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsa Çelebi b. Sadık’ın Camcı Mehmed Bey b. Abdullah’ta alacağının olduğu Mahmiye-i İstanbul’da Derviş Ali mahallesi sâkinlerinden İsâ Çelebi b. Sadık nâm kimesne meclis-i şer‘-i şerîfde camcı tâ’ifesinden Mehmed Bey b. Abdullah nâm kimesne mahzarında üzerine da‘vâ ve takrîr-i kelâm edip mezbûr Mehmed Bey zimmetinde beynimizde ma‘lûm cam ve alçı kireç bahâlarından bin yedi yüz akçe hakkım olmağla hâlâ mezbûr Mehmed Bey’e suâl olunup meblağ-ı mezbûr bin yedi yüz akçenin alıverilmesi matlûbumdur dedikde gıbbe’s-suâl mezbûr Mehmed Bey cevâbında kaziyye minvâl-i muharrer üzre olup beynimizde ma‘lûm cam ve alçı kireç bahâlarından müdde‘î-i mezbûr İsâ Çelebi’ye bin yedi yüz akçe zimmetinde vâcibü’l-edâ ve lâzımü’l-kazâ deyni olduğunu ikrâr ve i‘tirâf etmeğin alâ mûcebi i‘tirâfihî meblağ-ı mezbûr bin yedi yüz akçeyi müdde‘î-i mezbûr İsâ Çelebi’ye edâ ve teslîme mezbûr Mehmed Bey’e tenbîh olunmağın mâ vaka‘a bi’t-taleb ketb olundu. Fi’l-yevmi’l-ışrîn min şehri Rebî‘ilâhir li sene seb‘a ve semânîn ve elf. Şuhûdü’l-hâl: Mehmed b. Ahmed, Muharrem b. Şaban, Mahmud b. Veli, Osman b. Ömer, Hüseyin b. Veli ve gayruhüm.