İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 621 Hüküm no: 688 Orijinal metin no: [198b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yeniçeri Hasan Odabaşı b. Hüseyin’in Sofya’da oturan Rahip Danyal v. Kostantin’de alacağı olduğu Dergâh-ı âlî yeniçerilerinin otuz dördüncü bölüğe mahsûs oda ahâlîsinden bâ‘is-i hâze’l-kitâb Hasan Odabaşı b. Hüseyin nâm kimesne meclis-i şer‘de, vilâyet-i Rumeli’de medîne-i Sofya’da sâkin Danyal v. Kostantin nâm râhib muvâcehesinde takrîr-i kelâm ve ta‘bîr ani’l-merâm edip mezbûr Danyal’a altı yüz elli kıt‘a esedî guruşu ikrâz ve teslîm ol dahi yedinden iktirâz ve kabz ve tesellüm etmeğin hâlâ suâl olunup takrîri tahrîr olunmak matlûbumdur dedikde gıbbe’s-suâl mezbûr Danyal cevâbında fi’l-hakīka mezbûr Hasan Odabaşı yedinden altı yüz elli esedî guruşu iktirâz ve kabz ve tesellüm etmekle hâlâ meblağ-ı mezbûr altı yüz elli esedî guruş mezbûr Hasan Odabaşı’ya zimmetimde vâcibü’l-edâ ve lâzımü’l-iktizâ deynimdir deyû tâyi‘an ikrâr ve i‘tirâf etmeğin mâ hüve’l-vâki‘ hıfzan li’l-makāl bi’t-taleb ketb [olundu]. Fi’l-yevmi’s-sâmin min şehri Rebî‘ilevvel li sene seb‘a ve semânîn ve elf. Şuhûdü’l-hâl: Fahrü’l-kuzât Şeyh Mehmed Efendi b. Ebûbekir, el-Hâc Ömer b. Mehmed, serdar Mustafa b. Yusuf …?