İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 42 Hüküm no: 14 Orijinal metin no: [1(2)a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kebapçıların narh defteri Mahmiye-i İstanbul’da vâki‘ kebabçılar esnâfının nümûneleri üzerine verilen narh defteridir ki ber vech-i âtî zikr olunur. Fi’l-yevmi’l-ışrîn min Zilka‘deti’ş-şerîfe sene [1]138. Lahm-i koyun ma‘a ızâm; 1 aded, 17 kıyye 100 dir[h]em İhrâc olunan ızâm; 4,5 kıyye 30 dir[h]em Yağ; 325 dir[h]em Cem‘an ızâm ve yağ; 5 kıyye 145 dir[h]em El-bâkī lahm-ı sâfî; 11,5 kıyye 50 dir[h]em Beher vakıyyesi on sekizer akçeye olmuşdur. Mesârif-i esnâf-ı mezbûr; Ücret-i dükkân; 20 akçe Ücret-i halîfe; 20 akçe Bahâ-i kömür; 20 akçe Tuz ve biber ve sebze; 10 akçe Ücret-i huddâm; 12 akçe Sabun; 3 akçe [Yekûn]; 85 akçe Mesârif-i merkūmeden her bir vakıyye lahm yedişer buçuk akçe zam olunmakla, beher vakıyyesi yirmi beşer buçuk akçeye olmağla her on altı buçuk dirhem bir akçeye olup bir buçuk dirhemi kendilere kalmak için ihrâc olunup onbeş dirhem bir akçeye narh verilip nizâm verilmişdir. Verilen narh 15 dir[h]em 1 akçe Lahmın gāyet a‘lâsın alıp bilâ-ızâm tabh eyledikleri hâlde bir dirhem müsâmaha olunmuşdur.