İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 89 Hüküm no: 23 Orijinal metin no: [10a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hallaçların belirlenen narha göre pamuk satmayı taahhüt ettikleri Hallâc tâifesi tüccârdan iştirâ eyledikleri penbenin beher kantarını on dört guruş ve bir rub‘ guruşa alıp bu sûretde beher vakıyyesi otuz sekiz buçuk akçeden ziyâde iktizâ eden beher vakıyyesine hammâliyye ve kantâriyye ve kapan hammâlına ve kiriş? akçesi nısf akçe ve doksan dört akçe ve kalfa ücreti yedi buçuk akçe ki cem‘an sermâye kırk altı akçeye bâliğ olmağla kendilere dahi fâide sekiz akçe fâide ta‘yîn olunup cem‘an elli dört akçeye narh veril[dik]den sonra esnâf-ı mezbûr dahi minvâl-i meşrûh üzre ibâdullâha bey‘ etmek üzre ta‘ahhüd etmeleriyle işbu mahalle şerh verildi. Sah. Üç dört def‘a sürtülüp iplik işlenmeğe sâlih olan penbeye narh verildikden sonra esnâf-ı mezbûr dahi bu minvâl üzre ibâdullâha bey‘ etmek üzre ta‘ahhüd etmişlerdir. Gelibolu ve sâir mahallerden gelen penbe mahlût ve alçak olmağla ricâl-i devlet ve sıgār ve kibârın amellerine yaramayıp taşra gider on para ve on iki paraya değin bey‘ ederler.