İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 108 Hüküm no: 42 Orijinal metin no: [14b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstanbul, Galata ve Üsküdar’daki peştamalcilerin nizamı ve isimleri Bâ sah İ‘lâm mûcebince amel olunup hilâfına hareket edenler ahz olunup haklarından geline deyû buyruldu. Mahmiye-i İstanbul ve Galata ve Üsküdar’da vâki‘ peştamalcı tâifesi esâmîleridir ki ber vech-i âtî zikr olunur. Der İstanbul ipekli peştamal işleyen kimesneler; Kethüdâ Mustafa Çelebi Yiğitbaşı usta Mehmed Oğlu Molla Ali el-Hâc Mustafa Mustafa Çelebi Mehmed Çelebi İbrahim Çelebi Osman Beşe Halil Beşe Mustafa Çelebi İbrahim Çelebi Ömer Beşe Hasan Beşe Mehmed Beşe Osman Çelebi Ahmed Çelebi Beyzâde Mehmed Çelebi Molla Mustafa Tireli Mustafa Beşe Halil Beşe Halil Çelebi Mustafa Çelebi Ali Beşe Uzun Mehmed Abdullah Çelebi el-Hâc Abdullah el-Hâc Süleyman el-Hâc Ahmed diğer Tireli Mustafa Beşe İpeksiz peştamal işleyen zimmiyân; Agob Kosta Kirkor Panos Yakob Vartan Manuk Asfader Herak Hazar Bedros Agob Ovaseb Mardiros Vartan Karabet Melkon Bedros Kirkor Boşos Ohan Mikayil Simavok Sahak Der Galata; Minas Kirkor Agob Artin Bogos Der Üsküdar; Onnan Minas Artin Üslûb-ı kadîm üzre hamam peştamallerinin her birinin arzı on sekizer çile ve her çilesi seksener tel olup tûlü dahi arzının bir buçuk mikdârı olmağla fîmâ ba‘d hamam peştamallerini zikr olunduğu vech üzre işleyip Akbaş ta‘bîr olunan peştamalin çiftini yüz yirmi akçeye, kırmızı başlı olan peştamalin çiftini yüz otuz beş akçeye olmak üzre hamamcılar ile beynlerinde bey‘ ü şirâ olunup kat‘â mikdâr-ı mezkûrdan noksana hamamcılara peştamal işlemeyip ve ta‘yîn olunan meblağ-ı mezbûrdan ziyâde bahâya bey‘ etmemek üzre bi’r-rızâ kavl ü ittifâk ve ahd ü mîsâk ve husûs-ı mezkûrda birbirlerine tekeffül etmeleriyle kethüdâları mezbûr dahi cümlesine kefîl olup bu nizâm düstûrü’l-amel olmak için her birine tenbîh ve bu mahalle şerh verilmeğin mûcebince amele emr-i âlîleri niyâz olunur. Bâkī emr ü fermân men lehü’l-emrindir. Hurrire fî 17 min Şevvâli’l-mükerrem sene [1]138.