İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 269 Hüküm no: 182 Orijinal metin no: [56a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayaz ma ka pı sı dışındaki demirci ve kömürcülerin isimleri Bâ sah İşbu verilen nizâm fîmâ ba‘d düstûrü’l-amel kılınıp hilâfından ihtirâz oluna deyû buyruldu. Mahmiye-i İstanbul hısnı ebvâbından Ayazmakapısı hâricinde olan demirci ve kömürcü tâifesidir ale’l-esâmî zikr olunur. Hurrire fî evâsıtı şehri Rebî‘ilâhir sene [1]139. Kethüdâ Mehmed b. Süleyman Yiğitbaşı Ali b. Hüseyin Es-Seyyid Ahmed b. Ahmed Abdullah b. Mehmed Mehmed Beşe b. Abdullah İsmail Bey b. Mustafa Mehmed Beşe b. Mustafa Mehmed Beşe b. Hasan Ali Beşe b. Mehmed Diğer Mehmed Beşe b. Ali Âhar Mehmed Beşe b. İbrahim Hüseyin Beşe b. İbrahim Hüseyin Beşe b. Mustafa Yekûn; 13 nefer Mezbûrûn birbirlerine kefîl ve cümlesine kethüdâları mezbûr Mehmed kefîl olmuşdur. Tâife-i mezbûre bey‘ ü şirâ ettikleri demirci kömürünü cümle muvâcehesinde çâşni tutulup, tûlen üç karış ve altı parmak ve arzen iki karış olan işbu mûytâb çuvalı a‘lâ demirci kömürü ile memlû olduğu hâlde işbu Teşrînisânî’nin ibtidâsından rûz-ı Hızır’a varınca isti‘mâl eden esnâfa sekizer paraya bey‘ olunup kat‘â bir habbe ziyâde taleb olunmamak üzre cümlenin ittifâk ve ittihâdlarıyla narh verilip bundan ziyâdeye bey‘ etmemek üzre tâife-i mezbûreye savb-ı şer‘den tenbîh olundukda mezbûrûn dahi râzı ve kabûl ve ba‘de’l-yevm narh-ı mezbûr beynlerinde cârî olup düstûrü’l-amel ve hilâfından hazer olunmak üzre tuğrâ-yı garrâ-yı sultânî ile muhallâ hükm-i hümâyûn recâ ve niyâz ederler. El-emru li men lehü’l-emr.