İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 428 Hüküm no: 293 Orijinal metin no: [96b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Arka sakaları kırbalarının 35 vakıyyeye indirildiği Sâdır olan fermân-ı âlîlerine imtisâlen arka sakaları yedinde olan emr-i âlî-şâna nazar olundukda bin yüz otuz dört senesinde kırbaları ile kırkar vakıyye iken tâife-i merkūme istirhâmlarıyla otuzar vakıyyeye tenzîl olunduğu musarrah olup ve sicillâtda olan narhlarına dahi nazar olundukda bin yüz otuz sekiz senesinde merhûm Kethüdâzâde Mehmed Said Efendi’nin verdiği nizâmda sâfî suyu kırk dört vakıyye olmak üzre mukayyed bulunup, bu def‘a tâife-i merkūmenin pîr ve ihtiyârları istirhâm-ı inâyet etmeleriyle kırbalarının sâfî suyu otuzar vakıyye olmak üzre tenbîh olunmak için lisânen sâdır olan fermân-ı âlîleri mûcebince tâife-i merkūmeye kırbalarıyla ma‘an otuz beşer vakıyye olmak üzre tenbîh olunduğu, huzûr-ı âlîlerine i‘lâm olundu. Fî 5 Receb sene 1158.