İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 517 Hüküm no: 302 Orijinal metin no: [115b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ekmeğin 60 dirheminin 1 akçeye satılması İ‘lâmı mûcebince uhûd-ı vifâkları tescîl ve ahsen vechile narhları husûsuna nizâm verilmek üzre buyruldu. Musahhahdır. Ekmekçi esnâfından müseccelü’l-esâmî müslim ve zimmîler meclis-i şer‘de arzuhâllerinde tafsîl ve beyân eyledikleri üzre hıntanın bahâsı yevmen fe-yevmen narh verilmekle iştirâ eylediğimiz hıntadan narh-ı rûzîmiz olan yetmiş dirhem ekmek tabhımızdan hasarâtımız olmağın, zarar etmemiz revâ görülmeyip hâllerimize merhameten bi lutfillâhi te‘âlâ vakt-i rehâya değin mahalline göre müsâ‘adeye izin ve fermân buyurulur ise bizler dahi vakt-i mezbûra değin müsâ‘ade olundukda mikdârdan noksan kangı fırında ekmek bulunursa merkūmu ahz ve huzûr-ı hükkâma getirip ve beynimizden ihrâc ve fırını âhar bir müstakīm kimesneye verilip işlemek üzre her birimiz kavl ü ittifâk ve ahd ü vifâk eyledik hilâfı zuhûr ederse mücâzât olunmağa her birimiz râzılarız dedikleri, ma‘lûm-ı devletleri oldukda emr ü fermân men lehü’l-emrindir. Fî 25 Muharrem sene 1151.