İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 518 Hüküm no: 305 Orijinal metin no: [116a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kanadarların günlük 50 kuruş ücretle kasaplara hizmet etmeleri Kasab i‘lâmı Ma‘rûz-ı dâ‘î-i devletleridir ki Ashâb-ı arzuhâl kasab kanâdârlarından mazbûtü’l-esâmî zimmîler meclis-i şer‘de kasab ustalarından kezâlik müseccelü’l-esâmî kimesneler ile lede’l-murâfa‘a, sâdır olan fermân-ı âlîlerine imtisâlen zikr olunan kanâdârlar kasab ustalarına yevmî ellişer akçe ücretle hizmetlerin edâ edip ve selhhânelerden gece ile kasab dükkânlarına gelen lahmı ale’s-sabâh tâmmü’l-ayâr kantar ile vezn ve tarafeyni çetele edip biri selhhâne sâhibi olan kasabda ve biri kanâdârında olup beyân kılınan lahmı dahi kanâdârlar selhhâneye gönderdiklerinde yine vezn ve çetele edip birbirlerine gadr etmeyip ve kanâdârlar dahi lahmı narhı ile tâmmü’l-vezn ibâdullâha bey‘ etmek üzre ashâb-ı arzuhâl kanâdârlara tenbîh olunduğu huzûr-ı âlîlerine i‘lâm olundu. Bâkī emr ü fermân hazret-i men lehü’l-emrindir. Fî 27 Rebî‘ilâhir sene 1150.