İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 70 Hüküm no: 5 Orijinal metin no: [2-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed’in Billurcu esnafına kethüda tayin olunduğuna dair hüccetin kaydı sicilinde kayıtlı olduğu Billûrcu tâifesinin kethüdâlık hücceti kaydı bulunduğui‘lâm. Ma‘rûz, Derûn-ı arzuhâlde mezkûr Âsitâne-i aliyye’de Efrenc tarafından gelen billûr makūlesi eşyâyı bey‘ edegelen tâifenin kethüdâlığı husûsu eslâf-ı dâ‘îleri İstanbul kādıları efendiler huzûrunda içlerinden birini mu‘temed ve emîn ittihâz ve ihtiyâr ve nasb ve hüccet ile zabt etdiregelmeleriyle sâhib-i arzuhâl Ahmed’i yetmiş dört senesinde mu‘temed ittihâz ve nasb etdirdiklerinin hücceti târîh-i mezkûr sicillinde mukayyed bulunduğu ma‘lûm-ı devletleri buyruldukda fermân hazret-i veliyyü’l-emrindir. Fî 11 min-Receb sene 1179.