İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 172 Hüküm no: 138 Orijinal metin no: [66-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kadırga Limanı’nda ekmekçi olan Bekir’in ekmekleri noksan imal ettiğinden kalebend cezasına çarptırılması Kadırga Limanı ekmekçisi kal‘a-bend Ma‘rûz, Altmış Cemâ‘atin yoldaşlarından Bekir Kadırga Limanı’nda ekmekçi olup bundan akdem iki def‘a yedişer ve on beşer dirhem noksânla ahz ve habsolundukda ba‘de’l-yevm noksân işlemeyip beyaz ve tâmmü’l-vezn ekmek tabh eylemek üzere ta‘ahhüdünü esnâfı ihbâr ve kefâletleriyle sebîli tahliye olunmuş iken mütenebbih olmayıp târîh-i i‘lâmdan üç gün mukaddem yirmişer dirhem noksân ile taraf-ı dâ‘îlerinden ahz olunmağla merkūm Bekir fi‘il-i sâbıkında ısrâr eylediği zâhir ve gereği gibi ta‘zîr ve tehdîd olunmağa muhtâc olmağla Boğazkesen Kal‘ası’nda li-ecli’t-te’dîb kal‘a-bend olmak üzere huzûr-ı âlîlerine i‘lâm olundu. Fî 3 Muharrem sene 1180.