İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 360 Hüküm no: 418 Orijinal metin no: [178-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borçlu Mehmed’in dükkânında bulunan tütünün satılarak bedelinin alacaklıları arasında gurema usulüyle taksim olunması Ma‘rûz, Derûn-ı i‘lâmda olan dâyinler medyûn-ı mezbûr Mehmed’in dükkânında mevcûd malı olan tütünü takvîm olunup alacakları mikdârı bi-tarîkı’l-guremâ hisselerine her ne isâbet ederse deynlerinden ol mikdârı tenkīs olunmasına râzı olmalarıyla kıbel-i şer‘-i şerîfden kâtib Mahmud Efendi irsâl, ol dahi medyûn-ı mezkûrun dükkânına varıp mevcûd olan tütünü mezkûr dâyinler huzûrlarında vezn ü takvîm eyledikde mecmû‘u iki yüz on beş guruşluk tütünü zuhûr etmekle elli üç guruş es-Seyyid Hasan’a ve kırk beş guruş Tütüncü Yakub’a ve sekiz guruş Tütüncü Hasan’a ve seksen guruş şerîfe Âişe’ye ve yirmi dokuz guruş Kompanaki zimmîye isâbet etmekle her biri hisselerini kabz ve medyûn-ı merkūmun sâir malı olmağla bâkī alacaklarını medyûn-ı merkūmun yesârına tevkīf eyledikleri mübâşiri kapıkethüdâsı el-Hâc İbrahim kulları iltimâsıyla huzûr-ı âlîlerine i‘lâm olundu. Fî 5 Ca sene 1180.