İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 367 Hüküm no: 430 Orijinal metin no: [183-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nikogos v. Davit’e olan borcunu ödemesi hususunda Ebulmevahib’e tenbihte bulunulması Ma‘rûz, Sarrâf tâifesinden Nikogos v. Davit mahmiye-i İslambol’da meclis-i şer‘-i hatîrde Ebulmevâhib nâm kimesne mahzarında mezbûr Ebulmevâhib işbu yedimde olup hat ve hatemi hâvî temessük mantûkunca yetmiş dokuz senesi Zilhiccesi’nin yirmi dokuzuncu günü malımdan iki yüz elli guruş iktirâz ve kabz ve istihlâk etmekle taleb ederim deyü bir kıt‘a temessük ibrâzıyla ba‘de’d-da‘vâ ve’l-inkâr müdde‘î-i mesfûr müdde‘âsını isimleri temessükde muharrer udûlden Feyzullah b. Mehmed ve el-Hâc Ahmed b. Ali nâm kimesne şehâdetleriyle isbât etmeğin mûcebiyle meblağ-ı mezkûr iki yüz elli guruşun edâsıyla mezbûr Ebulmevâhib’e tenbîh-i şer‘î olunduğu bi’l-iltimâs huzûr-ı âlîlerine i‘lâm olundu. Fî 21 Ca sene 1180.