İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 415 Hüküm no: 505 Orijinal metin no: [213-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Paskal’a kira bedelinden olan borcunu ödemesi hususunda Manol v. Foti’ye tenbih olunması Ma‘rûz, Mahmiye-i İslambol’da Samatya kurbünde mütemekkin Paskal nâm zimmî meclis-i şer‘-i hatîrde Manol v. Foti nâm zimmî muvâcehesinde mahâll-i mezkûrda vâki‘ bir bâb mahzende olan hisse-i ma‘lûmemi merkūm Manol beher şehr altışar buçuk guruş icâre ile bundan akdem isticâr ve kabûl ve altı ay taht-ı icâresinde olmağla şuhûr-ı mezkûrede müctemi‘a olan otuz dokuz guruşu taleb ederim deyü da‘vâ ol dahi cevâbında cihet-i mezkûreden müdde‘î-i merkūma otuz dokuz guruş deyni olduğunu ikrâr u i‘tirâf etmeğin mûcebiyle deyn-i mezkûrun edâsıyla merkūm Manol ilzâm olunduğu huzûr-ı âlîlerine i‘lâm olundu. Fî 25 min-Şevvâl sene 1179.