İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 151 Hüküm no: 143 Orijinal metin no: [37b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berat Gecesi cami ve mescit minarelerinde kandil yakılması Ma‘rûz Târîh-i hicret-i hazret-i fahr-i kâ’inât -aleyhi ve âlihî ve ashâbihî efdalü’s-salât ve ekmelü’t-tahiyye-den işbu bin iki yüz iki senesi Cumâde’l-âhiresi gurresi yevm-i sebtden olduğu mahzar-ı hasm-ı câhid-i şer‘îden vech-i şer‘î üzere sâbit ve ol vecihle Recebü’l-ferd gurresi yevm-i isneynden olmağla rü’yet vâkı‘a olmadığına binâ’en tekmîl-i selâsîn ile Şa‘bânü’l-mu‘azzam gurresi yevm-i erba‘adan mazbûta olup Leyle-i Berât-ı behcet gâyât dahî şehr-i şerîf-i mezbûrun on beşinci işbu erba‘a gecesi olmak iktizâ etmekle leyle-i mübâreke-i mezbûreden tefrîh kılıp mü’minîn ve mü’minât içün minârât-ı cevâmi‘ ve mesâcid-i şerîfe îkâd-ı kanâdîl-i nûr-ı efşân ile tezyîn olunmak âdet-i seniyye-i devlet-i aliyye-i ebediyyü’l-istimrâr olmağla selâtîn-i i‘zâm hazerâtı cevâmi‘-i şerîfeleri kayyımlarına tenbîhi hâvî emr-i âlîleri erzânî buyurulmak bâbında fermân hazret-i veliyyü’l-emrindir. Fî 13 Ş. sene 1202.