İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 72 Hüküm no: 6 Orijinal metin no: [1a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Emin Efendi’nin Bab Mahkemesi kâtibliğine tayin olunması Fahrü’l-müderrisîni’l-kirâm Bâb Mahkemesi’nde nâibimiz fazîletlü Efendi el-mükerrem —dâme muvaffakan— ba‘de’t-tahiyyeti’l-vâfiye inhâ olunur ki, bâ‘isü’l-mürâsele Mehmed Emin Efendi erbâb-ı isti‘dâddan olmağla mahkeme-i mezbûrede kâtib nasb ü ta‘yîn olunmuşdur. Gerekdir ki merkūmu emsâli gibi hizmet-i kitâbetde istihdâm eyleyesin ve’s-selâm. Fî 3 Muharremi’l-harâm sene 1223.