İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 424 Hüküm no: 306 Orijinal metin no: [116a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeytinyağı narhının 36 para olduğu 36 paraya revgan-ı zeyt narhı emri. Bâ-sah. İstanbul Kādısı İzzetlü, Fazîletlü Efendi Hazretleri Revgan-ı zeyte mukaddemâ otuz altı paraya füruht olunmak üzere narh verilmiş iken bugünlerde kırk ikişer paraya kadar satılmakda olduğu ihbâr olunup fe-lillâhi’l-hamd bugünlerde revgan-ı zeyt ziyâdesiyle vürûd eylediğine nazaran evvelki narhdan bile tenzîl ile ümmet-i Muhammed’e enfa‘ olacak sûreti istihsâl lâzımeden iken kırk iki paraya füruhta cesâretleri mutlaka fukarâyı ızrâr dâ‘iyesi idiği âşikâr ve bu makūle ızrâr-ı ibâda cesâret edenlerin ma‘rifet-i şer‘ ve zâbiti ma‘rifetiyle tedîb ve terbiyesi lâzım geldiği bedîdâr olmağla imdi esnâfı huzûrunuza celb ile revgan-ı zeytin narhı olan otuz altı paradan ziyâdeye satılmaması husûsunu muhkem tenbîh ve hilâfı hareket edenler mazhar-ı tedîb olacaklarını tefhîme mübâderet ve siz dahi ale’d-devam tecessüs ve nezâret ederek fîmâ-ba‘d narhdan ziyâde füruhta cesâret ederi olur ise li-ecli’t-tedîb huzûrumuza i‘lâma himmet eyleyeler deyü. Fî 11 L. sene [12]23