İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 73 Hüküm no: 24 Orijinal metin no: [5a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Halife’nin Hacı Selim Ağa Vakfı’ndaki tevliyetini Mustafa b. Hüseyin’e devrinde berat istidâsı Ma‘rûz Ber-mantûk-ı kayd medîne-i Üsküdar’da Aşçıbaşı mahallesinde vâki‘ Pervâne Ali Ağa Mescid-i şerîfine minber vaz‘ eden sâbıkā ser-tabbâhîn-i hâssa Hacı Selim Ağa nâm sahibü’l-hayr vakfının yevmî altı akçe vazîfe ile tevliyetine bâ-berât-ı âlî-şân mutasarrıf olan sahib-i arz es-Seyyid Mehmed Halîfe b. es-Seyyid Mehmed meclis-i şer‘-i münîrde cihet-i mezkûreyi erbâb-ı istihkākdan Hâfız Mustafa Halîfe b. Hüseyin’e ferâğ ve kasr-ı yed ve yedinde olan beratı teslîm etmekle cihet-i mezkûre vazîfe-i mersûmesiyle fâriğ-i merkūmun ferâğından kendüye tevcîh ve yedine berat-ı âlî-şân sadaka ve ihsân buyurulmak bâbında merkūm Hâfız Mustafa Halîfe istid‘â-yı inâyet eylediği sâdır olan fermân-ı âlîlerine imtisâlen İstanbul Mahkemesi’nden huzûr. Fî 25 M sene [1]242