İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 512 Hüküm no: 461 Orijinal metin no: [87a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sırıkçılardan boşalan mahalle tuhafçı gedikleri nakledilirken Kiristosdor v. Kirkor’un da tuhafçı gediğini naklettiği Nakl-i gedik-i tuhafçı Ma‘rûz Âsitâne-i aliyyede vâki‘ tuhafçı ve fincâncı esnâfından Kiristosdor v. Kirkor zimmî meclis-i şer‘-i münîrde esnâf-ı merkūme kethudâsı el-Hâc Ahmed <> Efendi ve vekîli es-Seyyid Mehmed Ağa ve yiğitbaşı Menteş Yahûdî ve bi’l-cümle esnâf-ı merkūme ustaları hazır oldukları hâlde İstanbul’da Sultân Bâyezid’de Kolluk tahtında çeşme sırasında Avanes dükkânı ittisâlinde kâin Başmuhâsebe’de Bogos v. Ohan zimmî ismine mukayyed ve mu‘teber gedik âlâtı bâ-i‘lâm-ı şer‘î mersûm Bogos zimmîden şirâen mâlım iken dükkân-ı mezkûr bi-inâyetillâhi te‘âlâ hedm ve ilgā ve gediklerimizin Çarşı-yı Kebîr’de sırıkçı dükkânları olan mahalle nakli husûsuna irâde-i seniyye ta‘alluk ederek sâlifü’z-zikr sırıkçı dükkânlarının hevâî gediklerini mi‘mâr ağa ma‘rifetiyle ashâbından bi’l-iştirâ imhâ etmemizle ber-vech-i muharrer mâlik olduğum mu‘teber gedik âlâtı çarşı-yı mezkûrda Osmâniye kapısı tarafından ad ile altıncı kemer tahtında vâki‘ taht-ı icâremde olan mu‘teber gedikden ârî bir bâb kârgir mağazaya nakl ile kaleminden sûret i‘tâsı niyâzımdır deyü istid‘â ve keyfiyet minvâl-i muharrer üzre olduğunu esnâf-ı hâzırûn-ı merkūmûn ihbâr ve inhâ etmeleriyle ber-vech-i istid‘â sûret i‘tâsı iktizâ eylediği İstanbul Mahkemesi’nden huzûr. Fî 14 min-Z sene 1242