İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 59 Hüküm no: 7 Orijinal metin no: [2a-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ölen Himmet b. Pir Gaib’in karısı Şakire Hanım’a mehir borcu olduğu Udûl-i Müslimînden Ebûbekir b. Mehmed ve Hızır b. Derviş nâm kimseler meclis-i şer‘-i şerîfe hâzırân olup mahmiye-i İstanbul’da vâki‘ Yavuzer mahallesi sâkinlerinden iken bundan akdem vefât eden Himmet b. Pir Gaib’in zâhirde zevcesi Şâkire bt. Abdullah nâm hatundan gayrı vâris-i ma‘rûfu olmadığı ecilden muhallefâtının selâse-i erba‘ına vâzı‘ü’l-yed olan ve husûs-i âti’l-beyânı münkir bulunan mahmiye-i mezbûrede vâki‘ Beytü’l-mâl-i hâs emîni Mahmud Ağa b. Pervâne mahzarında, müteveffâ-yı mezkûrun zevce-i metrûkesi ve vârisi olan hâmile-i hâze’l-kitâb mezbûre Şâkire bt. Abdullah nâm hatundan sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, zevce-i mezbûre Şâkire hatunun esnâ-yı nikâhında ma‘kūdun aleyh olan mehr-i müecceli cihetinden müteveffâ-yı mezbûr zevci üzerinde râyicü’l-vakt üç bin akçe hakkı vardır. Hakkını kısmen veyâ tamamen ahz ü kabz etmediğine, zevcinin hâl-i hayatında hakkını başkasına havâle etmediğine, zimmetini bi-vechin mine’l-vücûhi şer‘iye ibrâ etmediğine dâir müdde‘iye-i merkūme tahlîf edilmeğin gıbbe ri‘âyeti şerâiti’l-kabûl şehâdetleri mûcebince hükmedildi. Cerâ zalike fi’t-târihi’l-mezbûr. Şühûdü’l-hâl: Es-sâbikūn