İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 60 Hüküm no: 9 Orijinal metin no: [2a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şakire bt. Abdullah’ın kocası Himmet’in muhallefatından hissesini aldığı Mahmiye-i İstanbul’da vâki‘ Yavuzer mahallesi sâkinlerinden olup vefât eden Himmet b. Pir Gaib’[in] zevce-i metrûkesi ve vârisesi Şâkire bt. Abdullah meclis-i şer‘-i şerîfde müteveffâ-yı mezbûrun zevce-i metrûkesi merkūme Şâkire’den gayrı zâhirde vârise-i ma‘rûfesi olmamağla müteveffâ-yı merkūmun muhallefâtının selâse-i erba‘ı beytü’l-mâle âid olmağın muhallefâtının selâse-i erba‘ı beytü’l-mâle âid olmağın muhallefâtının selâse-i erba‘ına vâzı‘ü’l-yed olan beytü’l-mâl-i hâs emîni Mahmud Ağa b. Pervâne mahzarında ikrâr ve ta‘bîr-i ani’l-merâm edip zevcim müteveffâ-yı mezbûrun cümle metrûkâtı ber-mûceb-i defter-i kassâm-ı askerî on sekiz bin <> yedi yüz kırk dört akçe olup meblağ-ı mezbûrun bi-hasebi’ş-şer‘i’ş-şerîf üç bin akçe nikâhımı ve bana âid olan rub‘ hisse-i şer‘iyem dört bin altı yüz seksen altı akçe hakkımı emîn-i mûmâ-ileyh Mahmud Ağa yedinden bi’t-tamam ahz ü kabz eyledim zikr olunan hakkımdan bir akçe ve bir habbe kalmadı dedikde gıbbe’t-tasdîk vicâhen ve şifâhen mâ-hüve’l-vâki‘ bi’t-taleb ketb olundu. Tahrîren fi’t-târihi’l-mezbûr. Şühûdü’l-hâl: Es-sâbikūn.