İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 77 Hüküm no: 36 Orijinal metin no: [6a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sabiha bt. Ahmed’in Yusuf Beşe’nin muhallefatından hissesini aldığı Zahr-ı kitâbda ismi mastûr olan Sabiha bt. Ahmed yine derûn-i kitâbda ismi mastûr olup zevci merhûm Yusuf Beşe b. Abdullah’ın muhallefâtına vâzı‘ü’l-yed olan fahrü’l-akrân Mehmed Subaşı b. İlyas muvâcehesinde ikrâr ve takrîr-i kelâm edip müteveffâ-yı mezbûrun muhallefâtından emîn-i mezbûr yedinde makbûz olan on bir bin iki yüz kırk akçeden sekiz bin iki yüz akçe mehr-i müecceli ve mehr-i müeccelden bâkī kalan üç bin kırk akçeden üç yüz seksen akçe sümün hissemi ve iki bin altı yüz altmış akçe ve vasîsi olduğum sagīre kızım Âişe’nin hissesin ki cem‘an on bir bin iki yüz kırk akçemi emîn-i mezbûr yedinden bi’t-tamam ahz ü kabz eyledim dedikde mukırr[a]-ı mezbûreyi ikrâr-ı meşrûhunda emîn-i me[sf]ûr bi’l-muvâcehe tasdîk etmeğin mâ-hüve’l-vâki‘ bi’t-taleb ketb olundu. Tahrîren fî-evâhiri Cemâziyelâhire li-sene seb‘a ve ışrîn ve elf. Şühûdü’l-hâl: Es-sâbikūn.