İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 78 Hüküm no: 38 Orijinal metin no: [6b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Raziye bt. Todori’nin Ali Çelebi’nin muhallefatından hissesini aldığı Mahmiye-i İstanbul’da Mirâhor mahallesinde sâkin iken vefât eden Ali Çelebi b. Kaya’nın ammiyesi oğlunun sulbiye kızı ve vârisesi Râziye bt. Todori nâm hatun yine mahmiye-i mezbûrede hâlâ beytü’l-mâl-i hâs emîni olup müteveffâ-yı mezbûrun vâris-i ma‘rûfu olmamak zu‘mu ile muhallefâtına vâzı‘ü’l-yed olduğuna mu‘terif olana Mahmud Ağa b. Pervâne muvâcehesinde bi’t-tav‘ ikrâr ve takrîr-i merâm edip müteveffâ-yı mezbûrun muhallefâtından irs-i şer‘î ile bana intikāl eden cem‘an yedi bin beş yüz akçeyi verâsetim hasebi ile emîn-i müşârün-ileyh yedinden bi’t-tamam ve’l-kemâl ahz ü kabz eyledim min-ba‘d müteveffâ-yı mezbûrun muhallefâtına müte‘allik de‘âvâ ve nizâ‘ım yokdur dedikde mukırra-i mezbûre ikrâr-ı meşrûhunda emîn-i mesfûr bi’l-muvâcehe tasdîk etmeğin mâ-hüve’l-vâki‘ bi’t-taleb ketb ü terkīm olunup yed-i tâlibine vaz‘ ü def‘ olundu. Tahrîren f- evâsıtı şehri Cemâziyelâhire li-sene seb‘a ve ışrîn ve elf. Şühûdü’l-hâl: Mehmed b. Ali el-imâm, Mustafa b. Mehmed el-müezzin, Gülâbî Ağa b. Ahmed el-müteferrika, Mustafa el-muhzır, İslâm el-muhzır ve gayruhum.