İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 106 Hüküm no: 67 Orijinal metin no: [15b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Kaytas’ın sağlığında cariyesini azat ettiği Udûlden Mehmed Çelebi b. Hüseyin ve Ahmed Çavuş b. Abdullah nâm kimseler meclis-i şer‘-i şerîfe hâzırân olup mahmiye-i Kostantıniyye mahallâtından Firuzağa mahallesinde bundan akdem vefât eden Mehmed b. Ahmed’in anası Cemile Hatun bt. Abdullah ve kız karındaşı Saliha bt. Ahmed nâm hatunların mahzarında, orta boylu, açık kaşlı, elâ gözlü, buğday tenli Arnavudiyyetü’l-asl bâ‘isetü hâze’s-sicil Şevki bt. Abdullah’dan sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffâ-yı mezkûr Ahmed b. Kaytas hâl-i nefâz-i âmme-i tasarrufâtında iken müdde‘iye-i mevsûfe-i mezkûreyi âzâd ve tahrîr eyledi. Ba‘de’t-ta‘dîl ve’t-tezkiye gıbbe ri‘âyet-i şerâiti’l-kabûl şehâdetleri mûcebince ıtkına hükmedildi. Câriye-i mezbûre bu sûretle sâir harâir-i asliyat-ı mükellefât gibi hürre oldu. Cerâ zâlike ve hurrire fî-evâili Saferi’l-hayr li-sene elf mine’l-hicreti’n-nebeviye. Şühûdü’l-hâl: Es-sâbikūn