İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 150 Hüküm no: 122 Orijinal metin no: [26b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Bey b. Sadi’nin sağlığında vasiyetlerinin tenfizine ve küçük kızına Mehmed b. Süleyman’ı vasi atadığı Mahmiye-i Kostantıniyye mahallâtından Bıçakçı mahallesi mescidi imâmı Mehmed b. Mirza ve el-Hâc Hasan b. Abdullah nâm kimseler meclis-i şer‘-i şerîfe hâzırân olup bundan akdem mahalle-i merkūmede vefât eden Ali Bey’in Âişe nâm sagīre kızının tesviye-i umûru için kıbel-i şer‘-i mergūbdan mansûb vasî olan ve âti’z-zikr vesâyeti münkir bulunan Mustafa b. Mahmud mahzarında, bâ‘isü’l-kitâb Mehmed b. Süleyman’dan sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffâ-yı mezbûr Ali Bey b. Sadi maraz-ı mevte yakalanıp başını mevt yastığına koyduğunda cemî‘ sülüs-i malını techîz ve tekfînine ve eczâ-yı şerîfe tilâvetine vasiyet edip müsteşhed-i mezbûru da vesâyasının tenfîzine ve sagīre kızının tesviye-i umûruna vasîyy-i muhtâr nasb etti ve vasiyetinde mukırrân ve musırran vefât eyledi. Mezkûr Mehmed de vesâyet-i merkūmeyi kabûl edip hizmet-i lâzımesini edâya müte‘ahhid oldu. Biz bu husûsa şâhidleriz şehâdet dahi ederiz dediklerinde ba‘de ri‘âyeti şerâiti’l-kabûl şehâdetleri hayyiz-i kabûlde vâkı‘a olup mûcebiyle hükmolundu. Cerâ zâlike ve hurrire fî 12 şehri Şevvâl sene hamse ve elf. Şühûdü’l-hâl: Ahmed Efendi b. Ali, Yusuf Çelebi b. Abdülaziz, Mehmed Çelebi b. Ahmed, Mustafa b. Mahmud, Mehmed b. Ramazan