İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 153 Hüküm no: 127 Orijinal metin no: [27b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çavuş b. İskender’in sağlığında kölesini azat ettiği Mahmiye-i Kostantıniyye mahallâtından Balaban Ağa mahallesinde vefât eden merhûm Mehmed Çavuş b. İskender’in sulbî kızı ve vârisi olan İsmihan Hatun nâm zevcesi kıbelinden âti’z-zikr âzâd ve tahrîr ikrârına vekâleti Sünbül Ağa b. Abdullah ve Zuhûri Ağa b. Abdullah nâm kimselerin şehâdetleri ile bimâ hüve nehcü’s-sübût şer‘an sâbit olan Takiyyüddin Mehmed b. Şerafeddin Mahmud meclis-i şer‘-i şerîf el-masûn ani’t-tağyîr ve’t tahrîfe hâzır olup müteveffâ-yı mezbûrun zevcesi ve vârisi olan Rahime Hatun bt. İbrahim kıbelinden vekâleti bimâ hüve nehcü’s-sübût şer‘an sâbit olan Ahmed Çavuş b. Sinan mahzarında müteveffâ-yı mezbûr Mehmed Çavuş b. İskender’in hâl-i hayatı ve kemâl-i akl ve sıhhatinde iken orta boylu, açık kaşlı, kara gözlü, alnında eser-i cerh bulunan Sünbül Ağa b. Abdullah el-Habeşî nâm abd-i memlûkünü hasbeten lillâhi’l-azîm âzâd ve tahrîr ettiğini ikrâr eyledi. Vâki‘ ikrâr men-lehü’t-tasdîk tarafından vicâhen ve şifâhen tasdîk edildi. Abd-i mezkûr bu sûretle sâir ahrâr-ı asliyîn-i mükellefîn gibi hür oldu. Cerâ zâlike ve hurrire fi’t-târihi’l-mezbûr. Şühûdü’l-hâl: Mustafa Çavuş b. Mehmed, Ali Bey b. Abdullah, Ahmed Ağa b. Abdullah ez-zevvâk, Ali b. Mustafa, Mehmed b. Ramazan ve gayruhum