İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 190 Hüküm no: 188 Orijinal metin no: [37b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Derviş Bey’in ölen kardeşi Mehmed Çavuş’da alacağı bulunduğu Rumel-i ma‘mûre vilâyetinde vâki‘ Çelebipazarı kasabası ahâlisinden Mustafa Bey b. Yusuf ve Aydın Bey b. Abdullah nâm kimseler meclis-i şer‘-i şerîfe hâzırân olup mahmiye-i Kostantıniyye mahallâtından Mollafenârî mahallesinde bundan akdem vefât eden Mehmed Çavuş b. Pervâne’nin Fatıma nâm sagīre kızına kıbel-i şer‘-i şerîfden mansûb vasî olan ve husûs-i âti’z-zikri münkir bulunan Mahmud Çelebi b. Ali nâm hasm-ı câhid mahzarında, hâmil-i kitâb Derviş Bey b. Pervâne’den sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffâ-yı mezbûr merhûm Mehmed Çavuş b. Pervâne, hâl-i hayatı ve kemâl-i akl ve sıhhatinde bizim yanımızda ve katımızda zimmetinde müdde‘î-yi mezkûra lâzımü’l-edâ ve vâcibü’l-kazâ yirmi altı bin akçe borcu olduğunu ikrâr ve i‘tirâf eyledi. Hakkını kısmen veyâ tamamen ahz ü kabz etmediğine, hâl-i hayatında hakkını başkasına havâle etmediğine, zimmetini bi-vechin mine’l-vücûhi şer‘iye ibrâ etmediğine dâir müdde‘î-i merkūm tahlîf edilmeğin gıbbe ri‘âyeti şerâiti’l-kabûl şehâdetleri mûcebince hükmedildi. Cerâ zalike ve hurrire fi’t-târihi’l-mezbûr. Şühûdü’l-hâl: El-mezbûrûn