İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 210 Hüküm no: 212 Orijinal metin no: [43a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şive Hatun’un eşi Hasan Çavuş’un muhallefatından hissesini aldığı Mahmiye-i İstanbul’da Suhte Sinan mahallesinde sâkin olup bundan akdem sefer-i sultânîde vefât eden merhûm Hasan Çavuş b. İne’nin zevcesi ve vârisesi Şive Hatun bt. Abdullah tarafından husûs-ı âti’z-zikre vekîl olup hasm-ı şer‘î mahzarında Ali Bey b. Abdullah ve Mustafa Bey b. Abdullah şehâdetleri ile vekâleti sâbite olan Şaban Bey b. Abdullah mahfil-i kazâda müteveffâ-yı mezbûrun zevce-i uhrâsı ve vârisesi olup sulbî oğlu Hüseyin’e vasîyy-i şer‘î olan Emine bt. Mahmud mahzarında bi’l-vekâle ikrâr ve i‘tirâf edip müvekkilem mezbûre Şive’nin müteveffâ-yı mezbûr üzerine ale’n-nehci’ş-şer‘î isbât etdiğim altmış bin akçe mehr-i müecceline ve cümle muhallefâtından dahi bi-hasebi’ş-şer‘ [bana] âid olan yedi bin beş yüz elli akçe nısf-ı sümün hisse-i şer‘iyesini vekâletim hasebiyle muhallefât-ı müteveffâ-yı mezbûrdan bi’t-tamam alıp kabz eyledim dedikde gıbbe’t-tasdîk mâ-vaka‘a bi’t-taleb sebt-şüde. Fî-evâili Şevvâl sene hamse [ve elf] Şühûdü’l-hâl: Yusuf Bey b. (…), Haydar b. (…), Mustafa b. Mahmud, Ahmed Bey, Ferhad, Süleyman Bey, Mehmed b. Ramazan, Mehmed b. Hamza, el-Hâc Hasan ve gayruhum.