İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 303 Hüküm no: 344 Orijinal metin no: [69b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmal tarafından zabtedilen Ebubekir’in hanımı Ayni’ye mehir borcu olduğu Mevlana Mehmed Halîfe b. Hüseyin el-imâm ve Nasuh b. Mustafa el-müezzin nâm kimseler meclis-i şerî‘at-i şerîfe-i garrâ ve mahfil-i tarîkat-i münîfe-i zehrâya hâzırân olup, mahmiye-i Kostantıniyye mahallâtından Hoca Hamza mahallesinde bundan akdem vefât eden merhûm Ebûbekir b. Mustafa nâm bevvâb-ı sultânînin muhallefâtına vâzı‘-ı yed olan Dârü’s-saltanati’s-seniyye mahmiye-i Kostantıniyye’de vâki‘ Beytü’l-mâl-i hâs emîni aynü’l-a‘yân zeynü’z-zaman Abdullah Çavuş b. Hızır mahzarında, müteveffâ-yı mezbûrun zevcesi ve vârisi hâfizatü hâze’r-rakīmi’ş-şer‘î Aynî bt. Abdullah nâm hatundan sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffâ-yı mezbûrun zimmetinde esnâ-yı nikâhında ma‘kūdun aleyh olan mehr-i müeccel cihetinden müdde‘iye-i merkūme zevcesine râyicü’l-vakt on bin akçe deyni vardır. Hakkını kısmen veyâ tamamen ahz ü kabz etmediğine, zevcinin hâl-i hayatında hakkını başkasına havâle etmediğine, zimmetini bi-vechin mine’l-vücûhi şer‘iye ibrâ etmediğine dâir müdde‘iye-i merkūme tahlîf edilmeğin gıbbe ri‘âyeti şerâiti’l-kabûl şehâdetleri mûcebince hükmedildi. Şühûdü’l-hâl: Mustafa b. Mehmed, Kadri b. Hüseyin, Ebûbekir b. Abdi, Receb b. Abdi, Süleyman b. Abdullah