İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 306 Hüküm no: 351 Orijinal metin no: [70a-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zamane Hatun’un mahallenin avarızı için iki bin akçe vasiyet ettiği eş-Şeyh Kadir b. Ali ve Hızır b. Musa nâm kimseler meclis-i şer‘a hâzırân olup mahmiye-i Kostantıniyye mahallâtından Hobyar mahallesinde vefât eden merhûme Zamane Hatun’un sulbiye kızı Belkıs bt. Mehmed Bey nâm sagīrenin tesviye-i umûruna kıbel-i şer‘-i şerîfden mansûb vasî olan fahrü’l-akrân Keyvan Bey b. Abdülmennan nâm bevvâb-ı sultânî mahzarında, âti’z-zikr meblağ-ı mevkūfa mütevellî olan Müezzin Mehmed b. Hasan’dan sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, merhûme Zamane bt. Abdullah maraz-ı mevtinde ve hâl-i nefâz-ı âmme-i tasarrufâtında iken mâlının sülünden ifrâz ve temyîz ettiği iki bin akçeyi mühimmât-ı avârız-ı mahalle için ta‘yîn ve vasiyet eyledi. Şehâdeten sahîhaten şer‘iyeten makbûleten ba‘de ca‘li şerâiti’l-kabûl mer‘iyeten mine’t-ta‘dîl ve’t-tezkiyeti’ş-şer‘iye şehâdetleri mûcebiyle hükmedildi. Cerâ zalike ve hurrire fî-evâhiri Saferi’l-muzaffer li-sene selâse ve elf. Şühûdü’l-hâl: Mevlana Ahmed Efendi b. Mehmed, mevlana Ahmed Çelebi el-müezzin ve gayruhum