İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 318 Hüküm no: 373 Orijinal metin no: [73b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çerkes Mehmed Çavuş’un cariyesini azat ettiği Çerkes Mehmed Çavuş b. Abdullah kıbelinden âti’z-zikr âzâd ikrârına vekâleti, bevvâb-ı sultânî Piyale Bey b. Abdullah ve bevvâb-ı sultânî Halil Bey b. Abdullah’ın şehâdeti ile bimâ hüve nehcü’s-sübût şer‘an sâbit olan bevvâb-ı sultânî el-Hâc Rıdvan Bey b. Abdullah meclis-i şer‘a hâzır olup müvekkil-i mezbûru Mehmed Çavuş’un zeylde mezkûr târihden altı sene mukaddem müvekkil-i mezbûruna rıkkını mu‘terife olan Gürciyyetü’l-asl, esmer, açık kaşlı hâmile-i hâze’l-kitâb İnâyet bt. Abdullah nâm câriye-i memlûkesini hasbeten lillâhi’l-azîm ve haseneten li-rûhi resûlihi’l-kerîm âzâd ve tahrîr ettiğini ikrâr eyledi. Vâki‘ ikrâr men-lehü’t-tasdîk tarafından vicâhen ve şifâhen tasdîk edildi. Câriye-i mezkûre bu sûretle sâir harâir-i asliyât-ı mükellefât gibi hürre oldu. Vaka‘a’t-tahrîr ve’l-işhâd fi’l-yevmi’s-sâlis ve’l-ışrîn min-şehri Saferi’l-muzaffer li-sene hamse ve elf. Şühûdü’l-hâl: Mehmed b. Ramazan, Mustafa b. Mahmud, Mustafa b. İlyas, İlyas b. Abdullah, Ferhad b. Abdullah ve gayruhum