İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 361 Hüküm no: 438 Orijinal metin no: [84b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rahime Hatun’un ölen kocasında mehir alacağı olduğu İmâm mevlana Musa b. Ahmed ve bevvâb-ı sultânî Mehmed b. Hüseyin nâm kimseler meclis-i şer‘a hâzırân olup sefer-i sultânîde bundan akdem vefât eden Rüstem Çavuş b. Abdullah’ın Emine ve Rabia nâm sagīreteyninin tesviye-i umûruna vasîyy-i muhtâr olan Ahmed Çavuş b. Abdülcelil nâm hasm-ı câhid mahzarında, müteveffâ-yı merkūmun zevcesi ve vârisi olan hâmiletü hâze’l-kitâb Rahime Hatun bt. Abdullah’dan sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffâ-yı mezbûrun zimmetinde müdde‘iye-i mezkûrenin mehr-i müecceli cihetinden râyicü’l-vakt otuz bin akçe hakkı vardır. Hakkını kısmen veyâ tamamen ahz ü kabz etmediğine, zevcinin hâl-i hayatında hakkını başkasına havâle etmediğine, zimmetini bi-vechin mine’l-vücûhi şer‘iye ibrâ etmediğine dâir müdde‘iye-i merkūme tahlîf edilmeğin gıbbe ri‘âyeti şerâiti’l-kabûl şehâdetleri mûcebince hükmedildi. Cerâ zâlike ve hurrire fi’s-sâbi‘ ve’l-ışrîn min-Cumâdelûlâ li-sene hamse ve elf. Şühûdü’l-hâl: Şaban b. A[bdullah] el-bevvâb, el-Hâc Hüseyin b. Ali, Mustafa b. Mahmud, Ahmed b. Ramazan, Mustafa b. İlyas