İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 365 Hüküm no: 448 Orijinal metin no: [85b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Muhallefatı Beytülmala kalan Yeniçeri Karagöz’ün borcu olduğu Mahrûse-i İstanbul’da Seferikoz mahallesinde vâki‘ el-Hâc Mustafa vakfına mütevellî olan İmâm Hayreddin b. Turgud kıbelinden husûs-ı âti’z-zikre vekîl-i şer‘î olan Müezzin Mevlana Mehmed b. Ramazan meclis-i şer‘de Hâssa yeniçeriler beytü’l-mâlı üzerine emâneti ciheti ile mahalle-i merkūmede vefât eden Yeniçeri Karagöz b. Abdullah’ın zâhirde vâris-i ma‘rûfu olmamağile muhallefâtına vâzı‘ü’l-yed olan Hüseyin Subaşı b. Mehmed’in kıbelinden tasdîk-i âti’z-zikre vekîl-i şer‘î olan Abdi Paşa b. Abdullah nâm yeniçeri mahzarında ikrâr-ı tav‘î edip vakf-ı merkūmdan müteveffâ-yı merkūmun karz-ı şer‘îden zimmetinde olan on iki bin akçeyi vakf için vekâletim hasebiyle emîn-i mûmâ-ileyh yedinden muhallefât-ı müteveffâdan bi’t-tamam kabz etdim dedikde mâ-vaka‘a gıbbe’t-tasdîk ve’t-taleb kayd olundu. Fî 23 Zilhicce sene 1005. Şühûdü’l-hâl: el-Muhzırûn