İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 401 Hüküm no: 496 Orijinal metin no: [95a-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şehit olan Hasan Bey’in hanımına mehir borcu olduğu Mahmud b. Revânî ve Mustafa b. Mehmed nâm kimseler meclis-i şer‘a hâzırân olup Rumeli-i ma‘mûrede vâki‘ Eğri kal‘ası tahtında şehîden vefât eden merhûm Hasan Bey b. Abdullah el-cündînin muhallefâtına vâzı‘-ı yed olan, mahmiye-i Kostantıniyye’de vâki‘ Beytü’l-mâl-i hâssın emîni Mehmed Çavuş b. Abdulmuin’in mahzarında, Muhsine bt. Kurd nâm zevcesinden sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffâ-yı mezbûr, zimmetinde müddeiyye-i merkūmenin mehr-i müecceli cihetinden râyicü’l-vakt dört bin akçe hakkı vardır diye sefere giderken ikrâr etti. Hakkını kısmen veyâ tamamen ahz ü kabz etmediğine, zevcinin hâl-i hayatında hakkını başkasına havâle etmediğine, zimmetini bi-vechin mine’l-vücûhi şer‘iye ibrâ etmediğine dâir müdde‘iye-i merkūme tahlîf edilmeğin gıbbe ri‘âyeti şerâiti’l-kabûl şehâdetleri mûcebince hükmedildi. Cerâ zâlike ve hurrire fî 3 Ramazan sene 1005. Şühûdü’l-hâl: el-Hâc Ömer b. Süleyman, Mustafa b. Ahmed, Hamza b. Ali, el-muhzırûn ve gayruhum