İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 61 Hüküm no: 3 Orijinal metin no: [1-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Miraç gecesinde minarelerde kandil yakılması Leyle-i Mi‘râc emri İstanbul kādısı fazîletlü efendi hazretleri, işbu sene-i mübâreke şehr-i Recebi-i şerîfinin gurresi Çarşamba gününden mu‘teber olmasıyla işbu Pazarertesi gecesi leyle-i Mi‘râc-ı bâhirü’l-imtihâc olduğunu mutazammın i‘lâmları huzûr-ı lâmi‘u’n-nûr-ı hazret-i tâc-dârîye lede’l-arz leyle-i mübâreke-i mezkûrede ber-mu‘tâd bi’l-cümle cevâmi‘ ve mesâcid-i şerîfeler minârelerinin îkād-ı kanâdîl ile tezeyyün ettirilmesi husûsuna irâde-i seniyye-i cenâb-ı pâdişâhî müte‘allik ve şeref-sudûr buyurulmuş olmağla keyfiyetin emsâl-i mesbûkası vechile cevâmi‘-i şerîfim kayyûmbaşılarına bildirilmesine himmet eyleyeler deyü. Fî 25 Receb sene 1281, fî 12 Kânûn-ı evvel sene 1280.