İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 67 Hüküm no: 17 Orijinal metin no: [7-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berat gecesi minarelerde kandil yakılması Îkād-ı kanâdîl emri Numara 374 Fazîletlü efendim hazretleri, şehr-i Şa‘bân-ı şerîfin gurresi yevm-i Salı’dan mu‘teber olarak bu cihetle işbu Salı gecesi leyle-i Berât-ı mağfiret-âyât olduğunu mutazammın i‘lâmları huzûr-ı lâmi‘u’n-nûr-ı hazret-i tâc-dârîye lede’l-arz leyle-i mübâreke-i mezkûrede ber-mu‘tâd bi’l-cümle cevâmi‘-i şerîfe minârelerinin îkād-ı kanâdîl ile tezyîn olunması husûsuna irâde-i seniyye-i cenâb-ı zıllullâhî müte‘allik ve şeref-sudûr buyurulmuş olmağla keyfiyetin iktizâ edenlere tenbîhine himmet eylemeleri siyâkında tezkire-i muhlisî terkīmine ibtidâr kılındı. Fî 12 Şa‘bân sene [12]84 fî 18 Kânûn-ı evvel sene [12]81. [8. sayfa boştur]