İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 154 Hüküm no: 137 Orijinal metin no: [2-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat etmiş olan Bulgar katoliği başpiskoposluğuna vekil tayini Makām-ı âlî-i hazret-i Meşîhat-penâhîye Nezâret-i celîle-i Hâriciye Ma‘rûz-ı bende-i dîrîneleridir ki, Geçende vefât etmiş olan Bulgar katoliği ser-piskoposunun yerine diğerinin resmen intihâb ve ta‘yînine değin millet-i merkūmenin husûsât-ı âdiyelerini rü’yet etmekde bulunan Arşimend Pirit Yuvan Efendi’nin hak ettirmiş olduğu mühürün çend kıt‘a tatbîki leffen irsâl-i savb-ı samî-i Fetvâ-penâhîleri kılınmağla lede’l-hâce mürâca‘at olunmak üzere bunların iktizâ eden mahallere i‘tâsıyla hıfz ettirilmesi husûsuna masrûfî-i himem-i aliyye-i cenâb-ı Meşîhat-penâhîleri bâbında emr ü irâde hazret-i men-lehu’l-emrindir. Fî 26 Cemâziyelâhire sene [1]293 ve fî 6 Temmuz sene [12]92.