İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 165 Hüküm no: 153 Orijinal metin no: [11-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Patrikhanelerin doğruda dairelerle irtibata geçmeyip eskiden olduğu gibi Hariciye Nezareti’nde işlerin halledilmesi Numara 142 Patrikhânelere müte‘allik umûrun mürecca‘ rü’yeti Hâriciye Nezâret-i celîlesi ve bunlara dâir mu‘âmelât-ı resmiyenin mine’l-kadîm merkez-i cereyânı Dîvân-ı hümâyûn dâiresi bulunduğu hâlde bir müddetden berü devâir-i sâirece patrikhâneler mesâlihi hakkında muhâberât ve mu‘âmelât-ı resmiye icrâ olunmasından nâşî patrikhâneler dahi her dâireye doğrudan doğruya takrîr vermeğe salâhiyet almış olduklarından ve bu sûret mu‘âmelâtca lüzûmu bedîhî olan kā‘ide-i inzibâtiyeye mugāyir olduğu gibi bir takım karışıklıkları dahi mûcib olduğundan ba‘demâ patrikhânelerin mesâlih-i vâkı‘asında kemâ-fi’s-sâbık nezâret-i müşârün-ileyhâya mürâca‘at olunması lâzım geleceği iktizâ eden devâire bildirilmiş olmağla Bâb-ı Vâlâ-yı Meşîhat-penâhîlerince ona göre îfâ-yı mu‘amele-i lâzımeye himem-i aliyye-i Fetvâ-penâhîleri derkâr buyurulmak bâbında. Fî 10 Şa‘bân sene [12]94 ve fî 7 Ağustos sene [12]93.