İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 167 Hüküm no: 157 Orijinal metin no: [15-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bâbıâlî’de yanan ilâmların suretleri sahipleri tarafından talep edildiğinde kendilerinden harç alınmaması Huzûr-ı ma‘âlî-mevfûr-ı hazret-i Meşîhat-penâhîye Ma‘rûz-ı bende-i dîrîneleridir ki, Bu def‘a Bâbıâlî’de muhterik olan i‘lâmâtın birer sûretlerinin mahkemelerinden celbiyle mu‘âmelâtının icrâ-yı ikmâli lâzımeden bulunduğu ve böyle bir kazâ-yı nâgehânîden dolayı muhterik olan i‘lâmât sûretleri harcının ashâb-ı hukūkdan ahzı muvâfık-ı ma‘delet olmayacağı beyânıyla muhterik olan i‘lâmât ashâbının mürâca‘atı vukū‘unda icrâ-yı cem‘iyet ve şu‘besi taraflarından yedlerine matbû‘ ve mahtûm birer ilmühaber verilerek mahkemelere irsâli hâlinde yalnız varaka bahâsı istihsâliyle i‘lâmât-ı şer‘iye sûretlerinin sicilden meccânen ihrâc ve i‘tâ ettirilmesi husûsunun cenâb-ı âlî-yi Meşîhat-penâhîlerine arz ve iş‘ârını ve mehâkim-i nizâmiye rüesâsına dahi i‘lâmât-ı nizâmiye için bu vechile teblîgāt-ı mukteziye icrâsı cem‘iyet-i mezkûreden bâ-tezkire ifâde kılınmış ve ol vechile keyfiyet mehâkim-i merkūme rüesâsına bildirilmiş olmağla icrâ-yı îcâbı bâbında emr ü fermân hazret-i men-lehu’l-emrindir. Fî 9 Cumâdelâhire sene [12]95 ve fî 29 Mayıs sene [12]94.