İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 178 Hüküm no: 173 Orijinal metin no: [23-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ramazan’da minarelerin kandil ile süslenmesi İstanbul Kādılığı’na Bâbıâlî Dâire-i Sadâret-i uzmâ Fazîletlü efendim hazretleri, Şa‘bân-ı şerîfin Çarşamba gününden bi’r-rü’ye sâbit ve müseccel olduğuna binâen işbu Perşembe gecesi hilâl-i mes‘adet-iştimâl müşâhede olunamadığı takdîrce ferdâsı Cuma günü gurre-i mübâreke-i şehr-i Ramazan-ı mağfiret-nişân olacağından yevm-i mezkûrun leyle-i mübârekesinde bi’l-cümle cevâmi‘ ve mesâcid-i şerîfe minârâtının îkād-ı kanâdîl ile tezyîn ve tenvîr olunması ma‘rûz-ı atebe-i ulyâ-yı cenâb-ı hilâfet-penâhî kılınan i‘lâmları üzerine müte‘allik buyrulan irâde-i seniyye-i hazret-i şehin-şâhî iktizâ-yı âlîsinden bulunmuş olmağla îcâb edenlere teblîgāt-ı lâzıme îfâsına himmet olunması siyâkında tezkire-i muhibbî terkīm kılındı. Fî 29 Şa‘bân sene [1]295 ve fî 16 Ağustos sene [12]94.