İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 325 Hüküm no: 352 Orijinal metin no: [137-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Nuri Efendi’nin Mahmudpaşa Mahkemesi Niyabeti’ne tayini Mevâlî-i izâmdan Kasidecizâde fazîletlü Mustafa Nuri Efendi -dâme muvaffakan bi’l-hayr- Dârü’l-hilâfeti’l-aliyye mehâkiminden Mahmud Paşa Mahkemesi Niyâbet-i Şer‘iyyesi bin üç yüz on beş senesi Saferü’l-hayrı gurresinden i‘tibâren zât-ı sâmî-i hazret-i meşîhat-penâhînin intihâb ve tensîbiyle uhde-i fâzılânelelerine ihâle ve tefvîz olunmağla umûr-ı niyâbet-i mezkûreye gurre-i merkūmeden bed’ ve mübâşeret ve vukū‘-yâfte olan de‘âvî ve mesâlihi ahkâm-ı celîle-i şer‘-i âlîye tevfîkan mahkeme-i mezkûrede fasl u hasm edip cadde-i şerî‘at-ı mutahharadan ser-i mû inhirâfa meyl ve cevâz göstermeyesiz. Hurrire fi’l-yevmi’s-sânî min-Saferü’l-hayr sene hamse aşer ve selâse mie ve elf. El-Fakīr es-Seyyid Mehmed Ziyaeddin el-kādî bi-Dârü’l-hilâfeti’l-aliyye