İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 384 Hüküm no: 416 Orijinal metin no: [167-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osmanlı’nın kuruluşu olan 10 Temmuz’un resmî bayram ilan edildiğine dair kanun layihasının tebliği Bâb-ı Âlî Dâire-i Sadâret-i Uzmâ Mektûbî Kalemi Aded: 101 Taraf-ı Âlî-i Hazret-i Meşîhat-penâhî’ye, Ma‘rûz-ı bende-i dîrîneleridir ki, Mebde’-i sa‘âdet-i Osmâniyân olan on Temmuz târihinin a‘yâd-ı resmiye-i Osmâniye’den addine dâir tanzîm ve Meclis-i Meb‘ûsân ve Heyet-i A‘yânca kabûl ve tasdîk olunan lâyiha-i kānûniyenin mer‘iyyet-i ahkâmına bi’l-istîzân irâde-i seniyye-i cenâb-ı pâdişâhî şeref-müte‘allik buyrularak devâir-i müte‘allikaya teblîgāt icrâ edilmiş olmağla Bâb-ı Vâlâ-yı Meşîhat-penâhîlerince îfâ-yı muktezâsına himem-i aliyye-i âzılâneâhîleri derkâr buyurulmak bâbında emr u irâde hazret-i men-lehu’l-emrindir. Fî 20 C sene 327, fî 25 Haziran sene 325. Sadrıa‘zam Hüseyin Hilmi