İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 441 Hüküm no: 492 Orijinal metin no: [200-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İlmiye rical, memur ve müstahdemlerinin tercüme-i hal varakalarını vermeleri Meşîhat 14 İstanbul Kādılığı’na, Fazîletlü Efendim Hazretleri, Bi’l-umûm ricâl ve me’mûrîn ve müstahdemîn-i ilmiyenin tercüme-i hâl varakası i‘tâ eylemeleri Sicil Nizâmnâmesi ahkâmından bulunmasına ve müşâr ve mûmâ-ileyhimden ekserîsinin henüz mezkûr varakayı vermedikleri kayden anlaşılmasına mebnî sene-i hâliye Mayıs’ı nihâyetine kadar sicile mürâca‘atla terâcüm-i ahvâl varakalarını i‘tâ etmedikleri hâlde maâş ahz edemeyecekleri Meclis-i İntihâb ve Sicil ifâdesiyle ta‘mîmen devâir ve hükkâm-ı şer‘e iş‘âr edilmiş olmağla ona göre iktizâsının îfâ ve keyfiyetin lâzım gelenlere tefhîm olunması siyâkında tezkire-i muhlisî terkīm olundu. Fî-gurreti Cumâdelûlâ sene 1328 ve fî 27 Nisan sene 1326. Şeyhülislâm Hüseyin Hüsnü