Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 127 Hüküm no: 130 Orijinal metin no: [28b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kartal yasakçısının görevden alınarak yerine yirmi ikinci bölükden Mehmed Beşe ve Ahmed Beşe yoldaşların tayini İzzetlü ve fazîletlü Kartal kādısı efendi hazretlerinin huzûr-ı şerîflerine dürer-i da‘avât-ı hâlisa ithâfından sonra inhâ-yı muhibbâne ve muhlisânemiz budur ki, hâlâ taht-ı hükûmetinizde vâki‘ yasakçı olan yoldaş ref‘ olunup yerine üslûb-ı sâbık üzere Dergâh-ı âlî yeniçerilerinden yirmi iki bölükden Mehmed Beşe ve Ahmed Beşe nâm yoldaşlara kazâ-i mezbûrdan yalnız iki deynek verilip yasakçı nasb ve ta‘yîn olunmağın işbu mektûb tahrîr ve irsâl-i izz-i huzûrları kılındı, vusûlünde gerekdir ki merkūmu yasakçılık umûrunda istihdâm edip âhardan bir ferdi dahl ve ta‘arruz etdirmeyip düşen husûslarından bi-hasebi’ş-şer‘ ve’l-kānûn her vechile imdâdiye ve i‘ânet edip ve lâkin hilâf-ı şer‘-i şerîfe bir ferdi rencîde ve remîde etdirmeyisiz ve’s-selâm, bâkī ilm u fazîlet ve ihsân [bâd]. Tahrîren fî-Safer sene 1122 Abdullah Ağa Kethüdâ-i Yeniçeriyân-ı Dergâh-ı âlî hâlâ.