Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 144 Hüküm no: 174 Orijinal metin no: [34b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Pendik köyünden bazı şahısların Matariye Hatun ile annesi Talaşiti'nin köyden ihracını istemeleri Karye-i Pendik sâkinlerinden Papaz Malato ve Papa Estaygori ve İstedolos ve Mihal ve Yorgi ve Tohori ve Polihorin ve Masiko Reis ve Nikola ve Kosta nâm zimmîler bi-ecma‘ihim Matariye zimmiyenin muvâcehesinde da‘vâ ve takrîr-i kelâm edip Matariye Hatun’un zevci Ligori nâm zimmî tatlîk-i bâyin ile tatlîk eyledi, taze hatun karyemize sonra geldi, aslında Şileli, karyemizde şâyet ki bir fesâd olmağa bâ‘is ola, köyümüzde istemezüz, kendü vilâyetine gitsin, bi-hasebi’ş-şer‘ karyemizden ihrâc olunmasını taleb ederiz dedikden sonra taraf-ı şer‘den köyden çıkmağa tenbîh birle mâ-hüve’l-vâki‘ kayd şüd ve mezbûrenin vâlidesi Talaşiti’yi? bu köyde istemezüz dedikleri kayd şüd.