Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 192 Hüküm no: 281 Orijinal metin no: [50a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Uzunoğlu'nun bahçesini Tanaş'a sattığı Medîne-i Üsküdar’a muzâfât Adalar nâhiyesine tâbi‘ Maltepe karyesi sükkânından Uzunoğlu nâm zimmî meclis-i şer‘-i hâtır-ı lâzımü’t-tevkīrde işbu bâ‘is-i hâze’s-sifr Tanaş v. (°) zimmî mahzarında ikrâr-ı tâm ve takrîr-i kelâm edip karye-i mezbûrda vâki‘ bir tarafdan Bener zimmî menzili ve bir tarafdan Adem bağı ve bir tarafdan Adem zimmî menzili ve bir tarafdan tarîk-i hâs ile mahdûd tahmînen bir dönüm mülk bağçemi mesfûr Tanaş zimmîye tarafından îcâb ve kabûlü hâvî bey‘-i bâtt-ı kat‘î ile on iki guruşa bey‘ ve teslîm, kabz eyledikde ol dahi minvâl-i muharrer üzere iştirâ ve tesellüm ve kabz eyledikden sonra semen olan meblağ-ı merkūm on iki guruşu mesfûr Tanaş zimmî yedinden ahz u kabz eyledim, ba‘de’l-yevm bağçe-i merkūm mesfûr Tanaş zimmînin mülk-i müşterâsıdır, keyfe mâ yeşâ ve yahtâr mutasarrıf olsun dedikde gıbbe’t-tasdîki’ş-şer‘î mâ-hüve’l-vâki‘ bi’t-taleb ketb olundu. Hurrire fi’l-yevmi’s-sâlis ve’l-ışrîn min-Zilhicceti’ş-şerîfe sene ışrîn ve mi'e ve elf. Şuhûdü’l-hâl: Ahmed Çelebi b. el-Hâc Halil, Sarrâc Hasan Çelebi, Münâdî Ahmed, Tarandafil v. Kosta, Hristo v. Yani, Yorgi v. Yani.