Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 239 Hüküm no: 142 Orijinal metin no: [41b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Hasan’ın küçük çocuklarının vasileri olan Ayşe Hatun’un on iki aylık muhasebesi Mahmiye-i İstanbul’da Atmeydanı kurbünde Uzun Şücâ‘ mahallesi ahâlîsinden iken bundan akdem vefât eden el-Hâc Hasan b. Abdurrahman’ın sulbî sagīr oğlu Ebubekir ile sulbiye-i sagīre kızı Rukiye’nin tesviye-i emrlerine vasiye-i mansûbeleri ve vâlideleri Âişe Hatun bt. Ahmed’in bin yüz sekiz senesi Muharremi gurresinden sene-i mezbûre Zilhiccesi gāyetine gelince üzerine hasbî nâzırı Mehmed Hoca b. Muharrem talebiyle on iki aylık görülen hesâbıdır ki ber-vech-i âtî zikr olunur. Fî gurre-i Muharrem sene 1110 Yüz sekiz senesi Zilhiccesi’yle müverrah defter-i muhâsebe mûcebince sagīrân-ı mezbûrânın hisseleri olup makbûz-ı vasiye-i mezbûre 306285 akçe Rum patriği zimmetinde olup sagīrân-ı mezbûrânın hisseleri olmak üzere makbûz-ı vasiye-i mezbûre 17880 akçe Mahmud nâm kimesne zimmetinde olup makbûz-ı vasiye-i mezbûre 7200 akçe Paçacı dükkânı icâresinden müddet-i mezbûrede makbûz-ı vasiye-i mezbûre 1200 akçe Vakıf menzil icâresinden müddet-i mezbûrede makbûz-ı vasiye-i mezbûre 2160 akçe Müddet-i mezbûrede vasiye-i mezbûrenin i‘mâliyle hâsıla murâbaha makbûz-ı vasiye-i mezbûre 25000 akçe Cem‘an yekûn: 359725 akçe. Para üçer akçe hesâbı üzeredir. Minha’l-ihrâcât: Sagīrân-ı mezbûrâna hizmet içün alınan câriye bahâsı 22200 akçe Müddet-i mezbûrede bâ-hüccet-i nafaka sagīrân-ı mezbûrâna sarf olunan nafaka-i masrûfe 21600 akçe Müddet-i mezbûrede ta‘mîr-i menzil-i mezbûr 1080 akçe [42a] Müddet-i mezbûrede ta‘mîr-i dükkân-ı mezbûr 200 akçe İcâre-i vakf-ı dükkân-ı mezbûr der-müddet-i mezbûre 735 akçe Harc-ı defter 600 akçe Kâtibiye [ve] huddâmiye 560 akçe Kaydiye-i defter 40 akçe Yekûne’l-ihrâcât: 47015 akçe Sahhe’l-bâkī meblağ: 312710 be-hesâb-ı mezbûr. Meblağ-ı mezbûr üç yük on iki bin yedi yüz on akçenin iki yük kırk dokuz bin altı yüz akçesi rehn-i kavî ve kefîl-i melî ile zimem-i nâsda olup bâkī altmış üç bin yüz on akçesi vasiye-i mezbûre yedinde der-kîse olduğu bu mahalle şerh verildi.