Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 394 Hüküm no: 277 Orijinal metin no: [72a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Ağa’nın Rus asıllı cariyesi Hasbani’yi azat ettiği Mahmiye-i İstanbul’da Molla Hüsrev mahallesinde sâkin fahrü’l-akrân Hasan Ağa b. Ebubekir nâm kimesne meclis-i şer‘-i şerîf-i enverde ikrâr-ı sahîh-i şer‘î ve i‘tirâf-ı sarîh-i mer‘î edip câriye-i memlûkem olup bana rıkkını mu‘terife gāibetü ani’l-meclis orta boylu elâ gözlü açık kaşlı Rusiyyetü’l-asl Hasbanî? bt. Abdullah’ı hasbeten lillâhi’l-meliki’l-Hallâk ve taleben li-merzâti rabbi’r-Rezzâk malımdan tahrîr ve i‘tâk ve zümre-i harâir-i asliyâta idrâc ve ilhâk eyledim min-ba‘d mezbûre Hasbanî? <> sâir harâir-i asliyât gibi hürre olup üzerinde hakkı velâdan gayrı alâka ve medhalim kalmadı dedikde mâ hüve’l-vâki‘ bi’t-taleb ketb olundu. Hurrire fî 17 min-Rebî‘i’l-âhir li-seneti aşer ve mi’ete ve elf. Şuhûdü’l-hâl: Mustafa Çelebi b. İsmail, Ali Çelebi b. Süleyman, el-Hâc Mehmed b. Mustafa, Ahmed Ağa b. Hasan, Çavuş Mehmed Ağa, Hasan b. Abdullah, Ahmed b. Nasrullah