Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 764 Hüküm no: 616 Orijinal metin no: [142a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Çelebi’nin vasiyetini yerine getirmek üzere Ali Ağa’yı vasi tayin ettiği Mahmiye-i İstanbul’da Esirci Kemâl mahallesinde sâkin iken bundan akdem vefât eden Mustafa Çelebi b. Ahmed’in fevtinden on gün mukaddem hâl-i marazında cemî‘ malının sülüsünü vücûh-ı mu‘ayyeneye harc ü sarfa vasiyet <> ve musırran-aleyhâ vefât edip tenfîzine vasiyy-i muhtâr nasb ü ta‘yîn eylediği karındaşı Ali Ağa b. Hasan müteveffâ-yı mezbûrun sülüsünü bâ-hüccet-i şer‘iyye ahz u kabz eyledikden sonra sülüs-i mezbûrdan müteveffâ-yı mezbûrun ta‘yîn eylediği mahallerdir ki vasiyy-i mezbûrun izn-i şer‘le ber-vech-i âtî masrûfunu beyân eder. Fi’l-yevmi’s-sâmin min-Cumâdelâhire li-sene aşer ve mi’e ve elf. Sülüs-i mezbûr para üçer akçe hesâbınca, 35.497 meblağ Minhe’l-mesârifi’l-mu‘ayyene Müteveffâ-yı mezbûrun ıskāt-ı salâtı ber-mûceb-i vasiyet 200 akçe Berây-ı edâ-i düyûn-ı müteferrika ber-mûceb-i vasiyet 4.000 akçe Berây-ı iştirâ-i Mushaf-ı şerîf ber-mûceb-i vasiyet 3.600 akçe Berây-ı it‘âm-ı ta‘âm 6.000 akçe Berây-ı ta‘mîr-i mescid der-vilâyet-i Kayseriye 3.000 akçe Kayseriye’de sâkin vârisim olmayan akrabâmdan Mehmed ve Ahmed ve Hasan nâm muhtâclara her birine dörder bin akçeden 12.000 akçe Berây-ı vücûh-ı bir ve mu‘ayyene-i ma‘lûme ber-mûceb-i vasiyet 4.897 akçe Yekûn, be-hesâb-ı sağdır: 35.497 akçe