Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 67 Hüküm no: 26 Orijinal metin no: [6a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Yağcı Salih’in oğlu Ali’ye nafaka tayin edildiği Mahmiye-i İstanbul’da Defterdâr Ahmed Çelebi mahâllesi ahâlîsinden olup Gözleve’den gelir iken esnâ-i tarîkde bundan akdem garîkan fevt olan Yağcı Salih Çelebi b. Ali’nin sulbî sagīr oğlu Ali’nin vâlidesi ve tesviye-i umûruna kıbel-i şer‘den mansûbe vasiyyesi bâ‘isetü’l-kitâb Saliha Hatun bt. Ali talebiyle hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri babası müteveffâ-yı mezbûrdan müntakil mâlından yevmî onar akçe nafaka ve kisve-baha farz ve takdîr buyurup meblağ-ı mefrûz-ı mezbûr yevmî on akçeyi sagīr-i mezbûrun nafaka ve kisve ve sâir levâzım-ı zarûriyesine harc u sarfa ve lede’l-iktizâ istidâneye ve inde’z-zafer mâlına rücû‘a vasiyye-i mezbûre Saliha Hatun’a izin verildi mâ-vaka‘a bi’t-taleb ketb olundu. Fi’t-târîhi’l-mezbûr li-seneti’l-merkūme. Şuhûdü’s-sâbıkūn